Líkið kom að góðum notum og þeyttist út um alla Köben í dag (þetta er kannske þokkalega ósmekklega að orði komist í kjölfar fréttanna hér í borg). Kassarnir farnir af stað og nánast allt annað farið yfir til Mette þar sem ég verð um helgina. Gisti samt í nánast tómu herberginu þangað til. Er byrjaður að þrífa, herbergið sjálft búið - þarf bara aðeins að ryksuga yfir það á föstudagsmorgun þegar allt annað er búið. Á morgun tekur aðalpúlverkið við: BAÐIÐ!!! eða ætti ég að segja KALKSTEINNINN!!! Það er alla vega ekki kalkskorti fyrir að fara á þessum bæ (árans aulahúmor stöðugt).

Finnland

Jú ég sé mér nú samt fært að hlusta á u.þ.b. eitt júrólag á dag. Finnska lagið er flutt af norsaranum Geir Ronning. Geir vælir (en þokkalega vel) dramatískt lagið Why sem vekur ekkert ofsaspennandi tilfinningar hjá mér. Held að það eigi takmarkaðan séns í júró en gæti orðið fínn síngúll fyrir hann Ronan minn Keating.  

Það verður nú að viðurkennast að það er ekki það skemmtilegasta í heimi að pakka búslóðinni sinni - þótt lítil sé! Nú er þó nánast allt komið niður í kassa, sá síðast hér heima eftir og síðan smáskammtur af fötum sem fyllir kassann á Árnastofnun í fyrramálið! Tæmi herbergið á morgun og hef til þess leigt lík, þ.e.a.s. eitthvert sendibílshræ á 350 kall danskar. Það er nefnilega svo sniðugt fyrirtæki hérna, www.lejetlig.dk þar sem maður fær svona druslu ódýrt og getur sjálfur reddað svona litlum flutningum. Þegar dótið er síðan farið af stað tekur auðvitað skemmtilegasta starf flutninganna við - þrifin! Er þegar byrjaður að afkalka á baðinu en á ábyggilega eftir að liggja með skrúbbinn annað kvöld!

Eistland

sendir lagið Let's Get Loud með stelpusveitinni Suntribe. Það er ekki nóg að þetta þokkalega skemmtilega lag beri titil sem minnir okkur öll á Jennifer Lopez (alveg eins og Selmu lag) þá er vídeóið heldur ekkert of ólíkt vídeóinu hennar Selmu. Nema þegar Selma fer eins og fellibylur um Vesturbæinn þá fara stelpurnar í Suntribe í Spinning og Kringluna. Og það eru líka þokkalega fleiri í partýinu þeirra - enda eru þær náttlega fimm!  

Já, nú er runnin upp síðasta vikan mín hér á Grønjordskollegiet og er það ansi ánægjulegt en um leið pínusorglegt. Byrja að pakka hafurtaski mínu í kassa á morgun og á það án efa eftir að vera þónokkuð skrýtið að sjá hillur, skúffur og skrifborð tæmast af mínum eigum og ópersónuleika kollegíherbergisins birtast á ný.

Í nótt var klukkunni breytt, við misstum úr klukkustundina milli þrjú og fjögur og nú er tveggja tíma munur á Danmörku og Íslandi en einn tími milli Englands og Íslands. Það hafa án efa margir mætt of seint í páskamessuna eða fjölskylduboðið. Sumir hafa líklega alveg misst af messunni og orðið að bæta sér það upp með eigin guðsþjónustu heima, t.d. söng hún Hanna þrjá sálma, predikaði sjálf, skírði eitt barn og fermdi önnur tvö - bara svona til að komast í páskastuðið.

Eins og sumir kannske vita er ég ekkert alltof hrifinn af danska júrólaginu. Það er flutt af Jakob Sveistrup sem tók þátt í keppninni Stjerne for en aften. Það er þokkalega athyglisvert að hann er þriðji Stjerne for en aften-keppandinn í röð sem sigrar dönsku forkeppnina. Það er líka athyglisvert að hinum tveimur gekk ekkert of vel í aðalkeppninni!

Jakob virðist hafa sótt nokkra tíma í Ronan Keating's School of Singing - gallinn er bara að hann hefur væntanlega ekki staðist öll próf - vælir allt of mikið. Lagið sjálft hét upphaflega Tænder På Dig en í enskri gerðin heitir Talking To You og er ekkert skárri en sú danska.  

Eins og þið sjáið eru páskarnir liðnir hér hjá mér, alla vega fannst mér páskaunginn farinn að láta verulega á sjá! Þess vegna ákvað ég að hefja nýja tíma á síðunni - eins og í lífinu sjálfu og er farinn að fagna grænu geimvori!

Skrapp annars í smápáskafrí í sumarbústaði á Norðursjálandi, rétt fyrir utan Gilleleje. Veðrið hefði mátt vera betra, þoka yfir öllu en hiti þolanlegur. Í dag (föstudag) birti þó verulega til og sátum við á hálfbyggðum palli fyrir utan og nutum sólarinnar: lásum, gerðum krossgátur og plokkuðum augabrúnir! Ferðin var í alla staði mjög hugguleg og eins gott að landlæknisembætti, lýðheilsustöðvar og manneldisráð Danmerkur og Íslands komist aldrei að hversu mikið af áfengi og mat var innbyrgt á u.þ.b. tveimur sólarhringum þar. Milli máltíða (og samhliða drykkju) var aðallega setið við spilamennsku, t.d. var frábæra spilið Settlers (sem ég hef endurskýrt Landnam á dönsku), danskt Skrabbl og hefðbundin vist (ekki félagsvist og dans í templarahöllinni samt). Að auki var mikið spjallað um ýmis málefni samfélagsins og þurftu sumir oft að taka að sér verkefni fundarstjóra til að halda umræðunum í málefnalegum farvegi. Þá voru sambönd viðstaddra krufin til mergjar í gærkveldi - hvers vegna er þó óljóst þar sem allt var við það sama þegar þynnkan plagaði fólk daginn eftir!

Búlgaría er með í júró í fyrsta skipti í ár og sendir lagið Lorrain með hljómsveitinni Kaffe. Þetta er svo sem þokkalegt popplag en að mínu mati fullhlutlaust til að eiga séns á að komast í úrslitin. Svona lag sem gæti verið á plötu með fullt af popphljómsveitum en yrði líklega aldrei síngúll.

Belgíska lagið heitir Le grand soir og er flutt af Nuno Resende. Þetta er svona stór ballaða á frönsku, minnir mig mikið á lag sem ég kem ekki fyrir mig hvað heitir. Alls ekki slæmt lag en mér finnst Nuno kallinn ekki alveg valda því. Þess vegna    

Þökk sé Karli Ágústi fann ég vídeóið með austurríska laginu þar sem ég gat heyrt allt lagið. Það er sem sé jóðlað í því líka! Veit ekki alveg hvað mér finnst um það! Breytir í raun ekki dómnum hér að neðan.

Nei, það er ekki ég sem er að mótmæla. Var að lesa að Alessandra Mussolini hefði verið í fyndnasta hungurverkfalli sem ég hef heyrt um. Hún var nefnilega að mótmæla því að flokkurinn hennar fengi ekki að bjóða sig fram í svæðiskosningum í apríl og til þess að vekja athygli á málstað sínum fór hún í hungurverkfall. Og hún mátti BARA fá þrjá cappuccino-bolla á dag!!!

Já, angans snótin hún Ruslana er með flensu í dag og gat þess vegna ekki tekið þátt þegar röð flytjenda í Júró var ákveðin núna áðan. Hún er nebblega ein af þremur kynnum (hinir eru Ólympíumeistari í boxi og útvarpsmaður). Annars er það af þessum drætti að frétta að Selma er 10. af 25 keppendum á sviðinu í undankeppninni 19. maí. Er það ekki bara ágætt?

Þið getið auðvitað séð allt um þetta á netinu, t.d. á hinni frábæru síðu www.esctoday.com.

Er búinn að skrifa undir leigusamning og borga tryggingu fyrir herbergi á stúdentagarðinum Hawkridge í Camden. Þar mun ég deila eldhúsi og baðherbergi með tveimur stelpum. Herbergið er sem sé í svona lítilli íbúð. Garðurinn er u.þ.b. 20 mínútna ferð í strætó frá skólanum þannig að mér líst bara vel á staðsetninguna. Hlakka til! Nenni bara ekki að pakka dótinu mínu hér og þrífa herbergið hér í Köben

Austurríki!!!

Mjög spes lag svo að ég segi ekki meir, allavega þessi bútur sem ég fann á heimasíðu hljómsveitarinnar sem heitir Global Kryner. Lagið sjálft heitir Y así. Veit bara engan veginn hvað mér finnst um það! Svona í pínu sígaunastíl, sungið á ensku en hljómar samt eins og það sé á portúgölsku. Eftir að hafa heyrt þennan bút nokkrum sinnum þá líst mér þokkalega á það, gæti átt mikinn séns ef það nær stemmningu en gæti líka orðið vel neðarlega!   

Ég hef mikið verið spurður að undanförnu hvað mér finnst um lagið hennar Selmu. Mér finnst það mjög fínt, minnir nokkuð á Toxic hennar Britneyjar en er samt alveg sjálfstætt lag og ofsalega grípandi - þó verð ég að viðurkenna að það er ekki alveg eins skemmtilegt (og þá meina ég hahahaha) og All out of luck, en það á alveg fína sénsa. Ég ætla þó að forðast mikla spádóma þar sem ég hef lítið heyrt af öðrum lögum. Þess vegna ætla ég á næstunni að spá og spekúlera í lögunum (sjá t.d. www.esctoday.com ). Ég nota broskarla til einkunnagjafar:

- - - - og fer stafrófsröðina og byrja því á Andorra:

Lagið, La mirada interior með söngkonunni Marian van de Wal, byrjar á trommutakti - svona a la Ruslana, og er líka þokkalega etnískt - veit samt ekki hversu miklum Andorra-anda það er; virðist vera blanda af þjóðlegum áhrifum, og þá aðallega austan að, og popptakti. Fínt lag samt en virðist nokkuð langdregið. Á held ég góða möguleika á að komast áfram í aðalkeppnina.    

Við Þóra Gerður flykktumst á Pan í gærkveldi til að dansa! Við skemmtum okkur svo sem mjög vel en það verður nú að viðurkennast að plötusnúðurinn var fjarri því að vera starfi sínu vaxinn! Hálfskitsó og maður var rétt kominn á gólfið þegar algjörlega ómögulegt lag tók við og maðurinn var ekkert að átta sig á því hvað gólfið hálftæmdist oft! Þannig að það varð ekki eins mikið úr dansinum og við ætluðum í upphafi en það var svo sem í lagi.

Skásti hlutinn var smájúróvísjónsyrpa þar sem hann m.a. spilaði danska og sænska lagið - held að Selma eigi allþokkalega möguleika í þau bæði. Í fyrsta lagi er danska lagið ofsaleiðinlegt og það sænska hefði betur passað sem hallærislegasta konseptið í einhverri af 80s keppnunum! Las Vegas? PLÍS!!! Og það sást að hommarnir á Pan (sem venjulega ærast þegar þeir heyra sænsk júrólög) voru ekkert að falla fyrir því!

Mér tókst í gær að sameina áhugamál mín þokkalega vel. Ég horfði sem sé á Stephane Lambiel vinna sín fyrstu gullverðlaun á heimsmeistaramóti (og um leið fyrstu verðlaun sín á alþjóðlegu stórmóti), drakk smá hvítvín með matnum sem Mette vinkona eldaði fyrir okkur á meðan og að sigrinum loknum fórum við og hittum Trine, Charlotte og Jesper á írska barnum Foley's á Vesterbro (sem einu sinni hét Keegan's í höfuðið á einhverjum fótboltamanni held ég og var víst staðurinn þar sem Jenny vinkona mín náði í föður tvíburanna sinna í desember 1994).

Á Foley's héldum við upp á St. Patrick's Day ásamt öðrum hverjum borgarbúa (og öllu reykingafólki borgarinnar) og drukkum að því tilefni Tuborg aðeins fram yfir miðnætti! Og hittum þrjá Færeyinga!

eru þokkalega ávanabindandi! Var rétt í þessu að afþakka að kíkja í bjór á eftir þar sem ég þarf að fara að koma mér heim að horfa á úrslitin í listhlaupi karla. Get náttlega ekki misst af Stephane Lambiel þegar ég er búinn að vera að plögga fyrir honum!

Ætli sé til meðferð viðessu?

Ég verð nú að viðurkenna að þátttakan í skoðanakönnuninni um danska júrólagið hefur verið heldur dræm. Niðurstöðurnar urðu þær að 2/3 þátttakenda sögðu það væri alveg ömurlegt en þriðjungur næstum ömurlegast!

Ég ákvað að taka forskot á sæluna og í nýju könnuninni vil ég athuga viðhorf ykkar til framlags okkar Íslendinga, lagsins hennar Selmu If I had your love. Lítill fugl 'skeit því í eyrað á mér' (eins og Bibba sagði) að það væri bara heldur grípandi og gott!

Lagið verður víst frumflutt í þættinum hjá Gísla Marteini á laugardag!

Já, hann Páll Óskar er 35 ára í dag og eins og áður hefur komið fram erum við þegar búnir að halda upp á það. Vil samt óska honum aftur til hamingju! Og þakka fyrir mig, auðvitað!

Annars er þessi síða eitthvað að stríða mér! Í fyrsta lagi virkar hún þokkalega illa í Opera (vafranum sem ég nota og mæli sérstaklega með) og nú er explorerinn ekki að virka - slekkur alltaf á sér. Vona að það lagist sem fyrst!

Mæli annars með að fólk horfi á Eurosport annað kvöld: Þá er góðvinur minn, hann Stephane Lambiel frá Sviss, að reyna að tryggja sér heimsmeistartitilinn í listhlaupi á skautum í fyrsta sinn. Hann er í fyrsta sæti eftir frábært stutt prógram og nærri 6 stigum á undan næsta manni þannig að klári hann öll stökkin þá vinnur hann! Maðurinn gerir líka flottustu pírúettur í heimi!

Það er nú ekki langt síðan ég var síðast á Íslandi, bara núna um jól og áramót, og þar áður í viku í nóvember. Þannig ættu málfarsbreytingar ekki að slá mann en svo er nú samt. Í þessari örstuttu ferð sem ég var að ljúka í dag tók ég nefnilega eftir því hversu mikið fólk er allt í einu farið að nota frasann "Hafðu góðan dag!", og flugfreyjan í Flugleiðavélinni (sem ég flaug með á Æslandexpress-miða) lauk máli sínu við lendingu á frasanum hér að ofan og fastnegldi þetta í hausinn á mér.

Nú er ég ekki mikið fyrir að gagnrýna aðra (ég er eins og Dolly Parton í Steel Magnolias sem "would rather walk on her lips than criticize" ), sérstaklega ekki málfar fólks, en ég get bara ekki orða bundist! Í mínum huga getur maður nefnilega ekki "haft" góðan dag. Maður getur hugsanlega "fengið" hann eða "átt" (það er allavega skásta þýðingin á þessum enska frasa) eða "haft það gott í dag" (sem jú á ættir að reka til Skandinavíu). En af hverju segir maður ekki bara: "Njótið dagsins!"?